مہر خبر رساں ایجنسی: ماہ محرم الحرام پہنچ گیا۔ یہ مہینہ حضرت سید الشہداء کی تحریک اور کربلا کے جاودانی معرکے کی یاد دلاتا ہے۔
یہ مہینہ، اہل بیت علیہم السلام اور ان کے شیعوں کے حزن کا مہینہ ہے۔ حضرت امام رضا علیہ السلام سے روایت ہے کہ جب محرم کا مہینہ آتا تھا تو آپ فرماتے تھے میرے والد گرامی کسی کو مسکراہٹ کے ساتھ نہیں دیکھتے تھے اور ان پر ہمیشہ حزن و اندوہ غالب رہتا تھا عاشور کے روز تک، اور جب عاشور کا دن آجاتا تو یہ دن ان کی مصیبت، حزن اور گریہ کا دن ہوتا تھا اور فرماتے تھے آج وہ دن ہے جب حسین علیہ السلام شہید ہوئے۔
اس حوالے سے احادیث و روایات کی کتب میں ماہ محرم کی پہلی رات کے لئے کچھ مخصوص اعمال وارد ہوئے ہیں کہ جو یہ ہیں:
۱. نماز: اس کی رات چند نمازیں ہیں جن میں سے ایک کی تفصیل یوں ہے:
دو رکعت نماز کہ جس کی ہر رکعت میں سورہ حمد کے بعد ١١ مرتبہ سورہ توحید پڑھی جائے۔
اس نماز کی فضیلت یوں بیان کی گئی ہے:
یہ نماز پڑھنا اور اس دن کا روزہ رکھنا سلامتی کا باعث ہے اور جو کوئی اس عمل کو انجام دے گا گویا اس نے پورے سال نیک عمل جاری رکھا ہے۔
۲. اس رات شب بیداری کرنا.
۳. دعا و مناجات کرنا۔
آپ کا تبصرہ